CONTENUTO DELLA PAGINA

CULTURA E TURISMO

CULTURA E TURISMO

Ufìtziu Limba Sarda

Is isportellos linguìsticos
Is isportellos linguìsticos territoriales (connotos comente Ufìtzios de sa Limba Sarda) naschent pro more de sa lege natzionale 482/1999 e de su D.P.R. 345 de su 2 de maju de su 2001. Sa funtzione de custos isportellos est sa de assegurare sa presèntzia in totue de operadores cumpetentes chi potzant fàghere promotzione a sa limba sarda dende·li visibilidade in intro de is amministratziones pùblicas e de is logos in ue s'agatant.Custos ufìtzios los ant ativados in belle totus is realidades sardas. Trintaduos Comunes de sa Sardigna tzentrale oe òperant suta sa ghia de sa Provìntzia de Nùgoro chi, in calidade de Ente capofila, faghet de coordinadore de is atividades.

Ufìtziu Limba Sarda


Ite sunt e a ite serbint
Sa funtzione primària de is isportellos linguìsticos est de fàghere promotzione de sa limba, e pro fàghere custu tocat in antis de totu chi s'ufìtziu siat visìbile e bene cullegadu cun totu is ufìtzios de s'ente in ue òperat. Chie ànimat s'ufìtziu est s'operadore, chi in antis de totu devet connòschere bene sa limba faeddada e is normas de sa limba iscrita. In prus devet tènnere finas sa capatzidade de cumprèndere is chi podent èssere is atziones de polìtica linguìstica prus adatas in su territòriu. Est importante a ischire tratare cun sa gente, pro traballare paris cun is àteros dipendentes e organismos chi si ocupant de promotzione de sa limba. A s'urtimata, s'operadore de un'ufìtziu de sa limba sarda est sa madrighe chi agiuat su territòriu a cumprèndere chi sa limba sarda si podet impreare in cale si siat cuntestu.

Torna all'inizio della pagina

AIUTI, SOTTOMENU DELLA PAGINA E ALTRE SEZIONI DEL SITO

Torna all'inizio della pagina